OPITERGIUM

OPITERGIUM

Carnorum oppid. inter Cenetam et mare Adriaticum, nunc Oderzo, vel Uderzo, et Ovederzo dictum, Ptol. Οὐενετίας δὲ μεσόγειοι πόλεις, Οὺϊκεντία, Βελοῦνον, Α῎κελον, Ο᾿πιτέργιον, Α῎λτινον. Tacit. Histor. l. 3. c. 6. Primus ac Varus occapantes Aquileiae proxima quaeque, et Opitergii et Altini laetis animis accipiuntur. Amm. Marcellin. l 29. Obsessa a Quadis ac Marcomannis Aquileia diu, Opitergiumque excisum. Corruptissime apud Strabonem l. 5. ἐπίτερπον et Ο῎ρδια legitur pro Ο᾿πιτέργιον, et Κωνκορδία. Populi Opitergini, Lucan. l. 4. v. 462.

Hic Opiterginis moles onerata colonis

Constitit. —— ——

Nic. Lloydius. Longitud. 34. 10. Latid. 45. 30. Baudrando oppid. Marchiae Tarvisinae, sub Venetis, ad amnem Moteganum, 12. milliar. a Tarvisio in Caeciam, Utinum versus, 12. a Ceneta in Eurum, ab Aquileia, 45. in Occidentem, 35. ab Utino. Direptum fuit ab Attila, A. C. 452.